Archive for the GAZTETXEA Category

JUDIMENDIKO GAZTETXEAREN AURKAKO EPAIKETA BERTAN BEHERA UTZI DUTE

Posted in ERREPRESIO, GAZTETXEA with tags , , , , , , on 23 maiatza 2010 by kalegorrian

Azken egunotan, albiste ikaragarri ona jaso dugu Judimendiko gazteok. Izan ere, Judimendiko Gaztetxearen okupazioaren lehenengo urteurrena ospatzen dugun hilabete honetan, horren desalojoaren harira lau gazteren aurka (horien artean espetxean dagoen gure kide Jagoba Apaolaza) ireki zuten prozesu judiziala  artxibatu eta bertan behera utzi dutela jakin izan dugu.

Berri honen aurrean, oztopo hau gainditu ostean auzoko gazteriarentzako lokal autogestionatu baten alde gure gogoa eta borroka indartu besterik ez dugula egingo adierazi nahi diegu auzoko gazteriaren zapaltzaile orori.

Gainera, bihotzez eskerrak eman nahi dizkizuegu gure ondoan egon zareten guztioi, eta bereiziki gure aldarrikapenak errealitate bilakatzen lagundu duzuen guztioi.

Hala ere, hau amaitu ez dela ohartarazi beharrean gaude. Epaiketa geldiarazteko martxan jarritako atxikimendu bilketa (ehundaka sinadura lortu ditugu jadanik) birmoldatuko badugu ere -auzoko gaztetxearen beharra aldarrikatuz-, bere baitan jarraituko duela, alde batetik. Bestalde, hurrengo asteetan zehar (batez ere, ekainean, San Juanetan ospatzen diren auzoko jaien harira), gure aldarrikapenen sozializazioan eta errealizazioan pauso berriak emango ditugula iragartzen dugu. Beraz, adi egon zaitezte martxan jarriko ditugun ekimen ezberdinetara, bereiziki, esan bezala, auzoko jaietan egongo direnetara.

Epaiketen gainetik… ATERA HATZAPARRAK!!!

Advertisements

GAZTETXEARI BURUZKO DOKUMENTALA AURKEZTUKO DA AUZOKO TABERNETAN

Posted in GAZTETXEA, KOMUNIKAZIOA with tags , , , , , , , , , , , on 23 apirila 2010 by kalegorrian

Judimendiko Gazte Asanbladak otsailaren 27ko Okupazio Eguneko ekitaldiko bideoarekin eta bertan aurkeztutako gaztetxeari buruzko 17 minutuko dokumentalarekin DVD bat kaleratuko da hurrengo egunetan. Dagokion momentuan iragarriko diren tokietan salgai izateaz aparte, auzoko tabernetan aurkezpenak eta bideoemanaldiak egingo dira hurrengo asteetan, kriminalizazioa eta Gazte Asanbladari buruzko ezjakintasuna komunikazio zuzen baten bitartez gainditzeko. Animatzen zaituztegu egingo diren bideoemanaldietara hurbiltzera, baina batez ere, gure eguneroko lanarekin bat egitera, okupazio berri baten prestakuntzan murgilduta gaudelarik:

APIRILAK 25 IGANDEA
19.30 EL GLOBO
20.15 LA CHIQUITA

APIRILAK 26 ASTELEHENA
19.00 LA GRANJE
19.45 KILKERRA

APIRILAK 29 OSTEGUNA
20.00 PADDY SHORTS
20.45 IBU HOTS

MAIATZAK 5 ASTEAZKENA
20.00 PITXER

MAIATZAK 6 OSTEGUNA
20.45 KONTRASTE

Modu berean, gogoratu desalojoen aurka, epaiketaren aurka eta gaztetxe berri baten aldeko atxikimendu kanpaina martxan dela eta sinatu dezakezuela webgune honen bitartez edo auzoko zein Gasteizko taberna ezberdinetan. Bideoemanaldietan ere atxikimendua emateko aukera egongo da.

Banatuko den eskuorria

GAZTETXE BERRI BAT LORTZEKO… ATERA HATZAPARRAK!!!

OKUPAZIO EGUNA (II): EKITALDIA ETA DOKUMENTALA

Posted in AISIALDIA, GAZTETXEA, KOMUNIKAZIOA with tags , , , , , , , , , , , , on 4 martxoa 2010 by kalegorrian

Otsailaren 27an Judimendiko Gazte Asanbladak Gasteizko Gaztetxean ospatutako Okupazio Egunaren baitan, ekitaldi ikusgarri bat burutu genuen. Ekitaldiaren bideoa ikusgarri duzue iada:

Gainera, ekitaldiaren amaieran, Judimendiko Gaztetxeari buruzko 17 minutuko dokumental bat proiektatu zen, kriminalizazioaren gainetik okupazio honen inguruko egia zein den aurkeztuz. Hona hemen dokumentala, bi zatitan banatuta, gozatu, pentsatu eta zabaldu dezazuten:

1. ZATIA

2. ZATIA

OKUPAZIO EGUNA: GARAIPEN TXIKIETATIK GARAIPENAREN EGUNERA!

Posted in AISIALDIA, GAZTETXEA with tags , , , , , , , , , , , on 3 martxoa 2010 by kalegorrian

Arrakasta itzela lortu genuen Judimendiko Gazte Asanbladak pasa den larunbatean Gasteizko Gaztetxean antolatutako Okupazio Egunean. Oztopoak oztopo, jende andana bildu ginen arratsaldetik aurrera prestatutako ekimen guztietan.

Prestakuntza lan ikaragarri baten ostean, otsailaren 27ko arratsaldeko 18.00etan hasi zen jaialdia. Hasteko, Arabako okupazio mugimenduko hamaika eragile ezberdinak (Virgala Menor, Ullibarri de los Olleros, Errotako Gazte Asanblada, Trikuharri Gazte Asanblada, Zaramagako Gazte Asanblada, Gasteizko Gaztetxea, Okupinto, Judimendiko Gazte Asanblada…) eta hogeita hamar pertsona inguru bildu zituen tertulia oso interesgarri batekin gozatu ahal izan genuen. Bertan, esperientzia trukaketa oso aberasgarri batekin hasi ginen, baina euskal preso politikoen senideen jazarpenaren aurkako manifestaldia zela-eta, jende ugari alde egin behar zuen eta eztabaida bertan behera uztea erabaki zen. Hori bai, jarraipen bat emateko grina ikusita, hurrengo bilkura bat egitea adostu zen.

Manifestaldiaren ostean, 20.30ak inguru ekitaldi ikusgarri bat burutu zen, jende pila bat hurbildu zelarik. Ekitaldiaren hasieran, txalapartaren deiaren ostean,  antzerkitxo bat ikusteko aukera egon zen; protagonistak: Gazte Asanbladako kide diren bi gazte. Horien aurkako epaiketa Grande-Marlaska epaile odoltsuak burutzen ari du, bi pertsonai berezien laguntzarekin: Gaztetxea lortzeko erabilitako etxe hutsaren jabea (pertsonalitate bikoitzeko arazo larri batekin), eta kasko gorria daraman txakur ezagun horietako bat. Gaztetxea lortzeko hatzaparrak aterako dituzte Judimendiko gazteek!

Ekitaldiari amaiera bikaina emateko, Gazte Asanbladaren izenean, bi gaztek agiri bat irakurri zuten, Judimendiko Gaztetxearen okupazioa eta desalojoari buruzko 17 minutuko dokumental bat ikusi aurretik.

Gero guatekea. Hurrengo eguneko eguzki izpiek emango zioten amaiera giro zoragarriko jaialdi honi. Egia esanda, oso gogotsu eta indarberriturik atera ginen, beraz, inor ez dadila harritu Judimendiko gazteon berriak laister ailegatzen badira.

GAZTETXEA LORTZEKO… ATERA HATZAPARRAK!!!

OTSAILAK 27, OKUPAZIO EGUNA!

Posted in AISIALDIA, GAZTETXEA with tags , , , , , , , , on 22 otsaila 2010 by kalegorrian

Otsailaren 27an, aste honetako larunbatean, Judimendiko Gazte Asanbladak, ‘Gaztetxea lortzeko… Atera Hatzaparrak!!!’ dinamikako ekimen nagusia antolatuko du, Gasteizko Gaztetxean ospatuko den jaialdiarekin.

Jaia bai, borroka ere bai! ‘Okupazio Eguna’ arratsaldeko 18.00etan hasiko da, Errotako Gazte Asanbladak antolatuko duen truke azokaren ostean. Ordu horretatik aurrera, Gasteiz eta Arabako esperientzia ezberdinak bilduko dituen mahai-inguru / tertulia ireki bat burutuko da, Gasteizko okupazio mugimenduaren esperientzietaz eta egoeraz hausnartzeko.

Tertuliaren ostean, 20.30ak aldera, lunch bat egingo da, jaialdiari hasiera eman baino lehen gosea kentzeko. 21.00etan, Judimendiko Gazte Asanbladak, ekitaldia burutuko du, pasa den urteko okupazioa gogora ekarriz, azken hilabeteetako kriminalizazioa salatuz eta hemendik aurrerako dinamika plazaratuz. Horren ostean, kontzertuak hasiko dira, Guateke Party batekin amaituko direnak (’70-’80 hamarkadetako musika: punk, disco, ska… denetarik!), giro ezin hobeko jaialdia borobilduz.

Jaialdi osoan zehar, Gaztetxean bertan hainbat txoko egongo dira: Judimendiko Gaztetxeari buruzko erakusketa, bertan materiala eta atxikimenduak emateko aukera egongo delarik; Errotako Truke Azoka, etab.

Beraz,

GAZTETXEA LORTZEKO…ZATOZ GUREKIN HATZAPARRAK ATERATZERA!!!

IHAUTERIAK 2010: HATZAPARRAK ATERA GENITUEN BERRIRO ERE!

Posted in AISIALDIA, GAZTETXEA with tags , , , , , , , , , on 21 otsaila 2010 by kalegorrian

ARGAZKI GALERIA

Egutegiko data garrantzitsu bat aprobetxatu genuen berriro ere gure aldarrikapenak kaleratzeko. Iaz egin bezala, aurtengo ihauterietan Judimendiko gazteok kalera atera ginen auzoan Gaztetxe baten beharra aldarrikatzeko eta kaleko katuz mozorrotuta, hatzaparrak atera genituen.

Elurtearen ondorioak pairatu bagenituen ere, goizean goizetik, Sefarad Plazan ibili ginen gure borrokaren berri emateko,  Judimendin zehar egindako kalejiraren bitartez jaia eta aldarrikapena uztartu aurretik. Giroa ezin hobea izan zen, eta eguerdi aldera Gasteizko Alde Zaharrera abiatu ginen gure zain zegoen bazkariaz gozatzeko, Kutxi kaleko Akergorri tabernan.

Arratsaldean, eguneko momenturik gogoangarriena etorri zen, Udalak antolatutako Iñauteri desfilean izkutuan sartu ginenean. Oztopoak oztopo, lau haizeetara zabaldu genuen gure oihua: ‘Ate! Ate! Atera hatzaparrak! Gaztetxea lortzeko… Atera Hatzaparrak!’.

Eta opari bezala, pasa den urteko Ihauterietan, Udalak antolatutako desfilean sartu ginenean, Álava 7 telebista katean izandako nahigabeko agerpena (adi 1:26 minutuan!):

Eskuorria (euskaraz)

Octavilla (castellano)

ATXIKIMENDUAK JASOTZEN ARI GARA!

Posted in ERREPRESIO, GAZTETXEA with tags , , , , , , , , , , , , , on 11 otsaila 2010 by kalegorrian

Judimendiko Gazte Asanbladak, ‘Gaztetxea lortzeko… Atera Hatzaparrak!!!’ dinamikaren baitan, atxikimenduak jasotzeari ekin dio, bai auzokideen artean, bai auzoko eragile ezberdinen artean, eta bai Gasteizko auzokide eta eragile ezberdinen artean. Manifestu batean hiru aldarrikapen nagusi biltzen ditugu: desalojoaren salaketa, epaiketaren gaitzespena eta gaztetxearen beharra.

Aldarrikapen horiek oinarri hartuta, lana eta borrokarekin jarraituko dugula argi utzi nahi dugu. Eta horretarako, zuen babesa eta atxikimendua behar dugu, kriminalizazioaren mugak apurtzeko eta aurrera egin ahal izateko. Gehiago bagara, zailago egingo zaie gure martxa geldiaraztea.

Aldi berean, otsailaren 27an, Gasteizko Gaztetxean, Judimendiko Gazte Asanbladak Okupazio Eguna burutuko duela gogorarazi nahi dizuegu. Bertan parte hartzera gonbidatzen zaituztegu: bai arratsaldean okupazioari buruz egingo den mahai-ingurua zuen esperientziarekin aberastu dezazuten, bai sortuko den jai-giroaz goza dezazuten.

Beraz, gaztetxea lortzeko… sinatu eta atera hatzaparrak!!!

SINATU MANIFESTUA / FIRMA EL MANIFIESTO

DESALOJORIK EZ! EPAIKETARIK EZ!

JUDIMENDIKO GAZTETXEA AURRERA!!!