Archive for the KOMUNIKAZIOA Category

GAZTEIRAULTZA.INFO, ARABAKO GAZTE IRAULTZAREN BOZGORAILUA!

Posted in GZT MUGIMENDUA, KOMUNIKAZIOA with tags , , , , on 26 otsaila 2011 by kalegorrian

Badago prest hemendik aurrera Arabako gazteriaren eta gazte mugimenduaren lanabes komunikatiboa izango dena: GAZTEIRAULTZA.INFO. Bertan, Arabako gazteriaren intereseko egunerokotasunaren albiste nagusiak aurkitzeko aukera izango dugu, eta gazte asanblada bezala, nola ez, gure partehartzearekin proiektu komunikatibo hau eraikitzen lagunduko dugu. INFO+: GAZTEIRAULTZA.INFO


gazteiraultza.info-ren oharra:

Martxan dago iada Arabako gazte proiektu komunikatiboa. Proiektu komunikatibo bat izanik, adierazpen ezberdinak izango ditu (irratsaioa, bideoaktibismoa, argitalpen bat,…), baina gaurkoan guzti horren ataria izango den webgunea aurkeztu nahi dugu: www.GAZTEIRAULTZA.info.

NORTZUK GARA?

GAZTEIRAULTZA.INFO Arabako gazte proiektu komunikatibo gisa jaio da, Arabako gazteok gazteontzat sortua. Arabako gazte errealitateaz eta gazte mugimenduren jardueraz informatzeko eta informatuta egoteko eskubideetan eta adierazpen askatasunean oinarritzen da, edozein alderdi, erakunde edo instituziorekiko independentzia osoz, eta inolako zentsurarik jasan edota ezarri gabe.

GAZTEOK GAZTEONTZAT SORTUA

Alperrak, biolentoak, drogazaleak, apalankatuak, zikinak,… Egunero sistemaren soldatapeko komunikabideetan gazteoi buruz entzun beharrekoetaz kokoteraino gaude, eta horri aurre egiteko modu bakarra guk geuk geure errealitatearen jabe izatea da. Don’t hate the media, become the media!

GUZTIONA

Gazte kontzientziaren berpizkundeari ekarpena egitea eta gazteriaren tresna izatea da geure helburua. Edozein motatako zentsurarik gabe, autogestioaz eta edozein alderdi, erakunde edo instituziorekiko independentzia osoz jardungo gara, ahotsik gabekoen ahotsa hedatzeko eta isilarazten diren errealitate guzti horiek oihukatzeko. Horretarako ezinbestekoa da gazte guztion, eta bereiziki gazte mugimenduaren ekarpena eta partehartzea, proiektu komunikatibo hau guztion artean eraikitzen joango den lanabesa izango baita.

IRAULTZAILEA

Komunikazioa errealitatea islatzeko (eta are gutxiago manipulatzeko) tresna huts bat baino askoz gehiago da. Errealitatea ezagutzeko, errealitatean eragiteko, errealitatea eraldatzeko eta ideien gudan murgiltzeko ezinbesteko borroka esparru gisa ulertzen dugu komunikazioa.

KALEKO ARTEAREN ESKULIBURUA

Posted in FORMAKUNTZA, KOMUNIKAZIOA on 7 otsaila 2011 by kalegorrian

“Paretek oihukatuko dute komunikabideek izkutatzen dutena”

EHko GAZTETXE ETA GAZTE ASANBLADEN PROIEKTU KOMUNIKATIBOA!

Posted in GZT MUGIMENDUA, KOMUNIKAZIOA with tags , , , , , on 10 urtarrila 2011 by kalegorrian

| http://ehkordinadora.blogspot.com |

Euskal Herriko gaztetxe eta gazte asanbladen koordinaziorako proiektu komunikatibo berria martxan jarri da. Blog batean Euskal Herriko gaztetxe eta gazte asanblada ezberdinen proiektu komunikatiboak, agendak eta albisteak bildu eta guztion artean eraiki nahi den proiektua da hau.

GAZTE EGUNEKO ARGAZKIAK

Posted in AISIALDIA, ERREPRESIO, GZT MUGIMENDUA, KOMUNIKAZIOA with tags , , , , , , , on 20 urria 2010 by kalegorrian

Azken aldian webgunea pixkat abandonatuta izan dugun arren, zenbait nobedade baditugu. Aurreko albistean azkenik eskuragarri duzuen azken materialari buruz aritu izan bagara, oraingo honetan atzerago joaten gara, aurtengo Gazte Egunera (ekainaren 19an), hain zuzen ere, eta orduko argazkiak eskaintzen dizkizuegu.

TRIKI POTEOA. Madrugatzea kostatu bazen ere, pixkanaka jendea poteora hurbilduz joan zen Urduñako gure trikitilari maiteok auzoa girotzen zuten bitartean.


GAZTE BAZKARIA ETA POTEOA. Eguerdi aldera, herri bazkariak jende andana bildu zuen Sefarad plazan, eta ondoren, egitaraua erortzearen ondorioz, gazteok hain ondo egiten dakigunari ekin genion: poteoari, alegia (aaaayyy…).

MANIFESTAZIOA. Gazte ugari irten ziren konpainia polizial itogarri batekin batera, hain zuzen ere, auzoko indar errepresiboak auzotik alde egitea aldarrikatzeko.


EKITALDIA. Ekitaldia burutzen zen bitartean, euskal preso politikoen argazkiak hain gustoko dituzten lagunak agertu ziren, auzokideen mespretxu oihuen artean. Justu agertu ziren momentuan, ekitaldiko hizlariak adierazpen askatasunaren aurkako “garbiketa” kanpaina salatzen zegoen, eta “Indar errepresiboak auzotik at!” indartsu batekin amaitu zuen. Ondoren, kontzertuak izango ziren.

Nahi baduzu, albuma ikusi.

Eta gainera, argazki galeria eguneratu dugu!

AZKENIK, GURE MATERIALA SALGAI!

Posted in ANTIKAPITALISMOA, FORMAKUNTZA, KOMUNIKAZIOA with tags , , , , , , , on 20 urria 2010 by kalegorrian

Azkenik, Judimendiko Gazte Asanbladaren azken materiala (kamisetak eta DVDak) eskuratzeko aukera duzue. Horretarako, Judimendiko Paddy Short’s tabernara, Arana auzoko Lapiaz tabernara, edota Alde Zaharreko Garraxi tabernara edo Gaztetxera hurbildu beharko zarete.

Kamisetak 7€-tan daude salgai, eta DVDak (dokumentalarekin eta Okupazio Eguneko ekitaldiarekin), berriz, 4€-tan. Dena den, biak batera erosten badituzu, 9€-tan geratzen dira. Ez dago aitzakirik!

ATERA (H)ATZAPARRAK!

(eztabaida luze baten ostean, atzaparrak hitza H-rik gabe idazten dela erabaki genuen, Euskaltzaindiaren arauak zintzo zintzo jarraituz; beraz, barkatu hainbeste denboran zehar begietan mina hartu duzuen guzti horiei)

GAZTETXEARI BURUZKO DOKUMENTALA AURKEZTUKO DA AUZOKO TABERNETAN

Posted in GAZTETXEA, KOMUNIKAZIOA with tags , , , , , , , , , , , on 23 apirila 2010 by kalegorrian

Judimendiko Gazte Asanbladak otsailaren 27ko Okupazio Eguneko ekitaldiko bideoarekin eta bertan aurkeztutako gaztetxeari buruzko 17 minutuko dokumentalarekin DVD bat kaleratuko da hurrengo egunetan. Dagokion momentuan iragarriko diren tokietan salgai izateaz aparte, auzoko tabernetan aurkezpenak eta bideoemanaldiak egingo dira hurrengo asteetan, kriminalizazioa eta Gazte Asanbladari buruzko ezjakintasuna komunikazio zuzen baten bitartez gainditzeko. Animatzen zaituztegu egingo diren bideoemanaldietara hurbiltzera, baina batez ere, gure eguneroko lanarekin bat egitera, okupazio berri baten prestakuntzan murgilduta gaudelarik:

APIRILAK 25 IGANDEA
19.30 EL GLOBO
20.15 LA CHIQUITA

APIRILAK 26 ASTELEHENA
19.00 LA GRANJE
19.45 KILKERRA

APIRILAK 29 OSTEGUNA
20.00 PADDY SHORTS
20.45 IBU HOTS

MAIATZAK 5 ASTEAZKENA
20.00 PITXER

MAIATZAK 6 OSTEGUNA
20.45 KONTRASTE

Modu berean, gogoratu desalojoen aurka, epaiketaren aurka eta gaztetxe berri baten aldeko atxikimendu kanpaina martxan dela eta sinatu dezakezuela webgune honen bitartez edo auzoko zein Gasteizko taberna ezberdinetan. Bideoemanaldietan ere atxikimendua emateko aukera egongo da.

Banatuko den eskuorria

GAZTETXE BERRI BAT LORTZEKO… ATERA HATZAPARRAK!!!

EUSKALHERRIAN.INFO / Zer gertatzen ari da Euskal Herrian?

Posted in KOMUNIKAZIOA with tags , , , , , on 16 apirila 2010 by kalegorrian

“Zer ari da gertatzen Euskal Herrian? Galdera honi erantzuteko jaio da euskalherrian.info webgunea. Gure helburua herri eragile eta informazio herritarra eskaintzen duten webguneak saretu eta euren RSSaren bitartez bisibilizazioa handitzea da.”

Horrela definitzen du bere burua Euskal Herriko informazio herritarraren sarea osatzeko helburua duen proiektu honek. Guk, gure partez, proiektuaren parte gara jadanik; informazio herritarra egunero sortu eta zabaltzen duzuenoi ere parte hartzera animatzen zaituztegu.

Aldi berean, aste hauetan 22 urte betetzen dituen Gasteizko Gaztetxeak bere webgunea berriro martxan jarri duela iragartzen dizuegu: http://www.gasteizkogaztetxea.org/. ZORIONAK ETA AURRERA, GAZTEAK! AUZO BAT, GAZTETXE BAT!

SAREARI ETA KOMUNIKABIDEEN USTELKERIARI… ATERA HATZAPARRAK!!!